नेपाली हास्यव्यङ्ग्य अनलाइन पत्रिका

किरण अन्जान रिजाल :

मझधारमा पुगेपछि डुंगा भित्र पानी पसेछ
लाग्छ महोदय कसैले पक्कै जालझेल गरेछ ।

ऊ त घण्टौँ चरालाई चारा फेंक्न मस्त रह्यो
तर भिखारीको तर्फ भने एकपटक नजर घुमेनछ ।

पिउँदा जीवन बर्बाद हुन्छ भन्ने उही नै थियो
लौ आज उही नै नालानालामा लडि हिँडि रहेछ ।

नाम लिँदा पनि सातौँ पल्ट मुख कुल्ला गर्नु पर्ने
उही मान्छे आज विडम्बना मञ्चमा पो बसेछ ।

स्वर्ग झैं घर लात मारेर हिँडेको थियो उसले त
आज गुन्द्रुकको झोल र ढिँडो सम्झेर तड्पिएछ।

०००
विराटनगर – १