लक्ष्मण नेवटियाबादल र मानिस
बादल र मानिस बादल विनम्र भएर गर्छ हावाको सवारी मानिस उक्लेर पनि बन्छ अहंकारी फरक त छ।
लक्ष्मण नेवटिया :
१.
बादल र मानिस
बादलमा छ निःस्वार्थ प्रेम
मानिसमा छ स्वार्थको खेती
फरक त छ।
२.
बादल र मानिस
बादलले वर्षा दिन्छ जीवनको
मानिसले आँसु दिन्छ पीडाको
फरक त छ।
३.
बादल र मानिस
बादलले सजावट गर्छ समष्टिको
मानिसले बिगार्छ स्वरूप सृष्टिको
फरक त छ।
४.
बादल र मानिस
बादलले शीतलता छर्छ धर्तीभरि
मानिसले ताप छर्छ मनभरि घरीघरी
फरक त छ।
५.
बादल र मानिस
बादलले सबैलाई सिञ्चन गर्छ समान
मानिसले आफन्तलाई मात्र भइ बेइमान
फरक त छ।
६.
बादल र मानिस
बादल विनम्र भएर गर्छ हावाको सवारी
मानिस उक्लेर पनि बन्छ अहंकारी
फरक त छ।
७.
बादल र मानिस
बादलले हरियालीको गीत गाउँछ
मानिसले प्रदुषण मात्र निम्त्याउछ
फरक त छ।
०००
विराटनगर
Subscribe
Login
0 Comments
Oldest
