इन्दिरा प्रयासतँ खा
इच्छा छन् सुकिला सुयोग्य पनका देखाउने दाँत खा, नेपाली मुटुमा गढेर रहने सन्तानका आँट खा खा, सक्ने ममता निराश जनका इच्छा र आशा तँ खा, गोलीले नसके उठेर मुटुका टुक्रा निमोठी तँ खा ।

थोत्रा ती खबटा किनेर जनको हाँसो खुशी नै तँ खा
चोक्टा नै बटुली रहुन् कि अथवा सिङ्गै चबाएर खा
खा खा राष्ट्रियता तँ खा रगतको झोलै बनाएर खा
मान्छे जीवन खा लुटेर सहजै देशै गनाएर खा ।।
पाखा पर्वत खा नदी घटघटी साटेर सक्दो तँ खा
नेपाली ढिकुटी बनाइ सिकुटी चाटेर सक्ने तँ खा
बाँकी आश तँ खा विवेक जनको बेचेर अट्दो तँ खा
सत्ताको खिचडी प्रपञ्च सबले बाँडेर काट्टो तँ खा ।।
देखाई अथवा लुके जति सबै नेपाल बेच्दै तँ खा
रोए झैं रिपु साथमा मिलिजुली सार्दै सिमाना तँ खा
मेची पश्चिम फाँटका मनसँगै विश्वास चोप्दै तँ खा
कालीको अनुहारमा कुपुतको कात्रो चढाएर खा ।।
इच्छा छन् सुकिला सुयोग्य पनका देखाउने दाँत खा
नेपाली मुटुमा गढेर रहने सन्तानका आँट खा
खा सक्ने ममता निराश जनका इच्छा र आशा तँ खा
गोलीले नसके उठेर मुटुका टुक्रा निमोठी तँ खा ।।
०००
सानोठिमी, भक्तपुर
Subscribe
Login
0 Comments
Oldest







































