नरेन्द्रराज पौडेलकौसीमा बाँदर
बिगौती मिल्छ कि भन्दै गाेरु ब्याएर तैपनि मुख मिठ्याउँदै खोज्छ नयाँ केन्द्र अझैपनि विचरो भन्न छोडेर खुच्यूँ भन्छन् जता पनि “चुरीफुरी निकै गर्थिस् खाइस् आलु, मुले” भनी ।
यो छोटो आयुको बच्चो देखाएर चुरीफुरी
खैरो जामा लगाएर चड्यो शासनको धुरी
चपायो बालुवा गिट्टी मकैभट्मास झैं गरी
सन्कियो माथि छानामै नसा उन्मदको चडी
लागू औषधका बोरा सुनका टेल नौथरी
आउँदैछन भनी सुन्दा मुख मिठ्याइ दिन्भरी
बस्दाबस्दै पर्यो साँझ आयो खवर मन रुने
खिच्दा मदारीले डोरी गम्रङ्गै टाँगको मुनि
फ्रान्को, मुसोलिनी,जार लूई सीजर बाबर
बन्ने धक्कू लडाएर चड्दै पर्खाल तारमा
उफ्रिँदै बालुवाटार फड्किँदै बाल कोटमा
पुग्छ मुर्मुरिँदै आफ्नै सत्तास्खलन चोटमा
फैसला न्यायकर्मीका सुन्नै सक्तैन कानले
सञ्चार क्षेत्र नै बैरी देख्छ त्यो अभिमानले
बाघै हुँ भन्दथ्यो पैले, ऐले बेपङ्खको चरा
आफैं बिस्कुन भै पर्छ लम्पसार कठैवरा
बिगौती मिल्छ कि भन्दै गाेरु ब्याएर तैपनि
मुख मिठ्याउँदै खोज्छ नयाँ केन्द्र अझैपनि
विचरो भन्न छोडेर खुच्यूँ भन्छन् जता पनि
“चुरीफुरी निकै गर्थिस् खाइस् आलु, मुले” भनी ।
०००
वानेश्वर, काठमाडौं
Subscribe
Login
0 Comments
Oldest
