नेपाली हास्यव्यङ्ग्य अनलाइन पत्रिका

आजकाल बा साहु बन्नु भो
कामदारको माउ बन्नु भो
ब्यक्ति छान्नुभो कान तान्नुभो
कर्म यो हुँदा सञ्चमान्नुभो ।(२२)

चण्ड मुण्ड छन् छेउछाउमा
केन्द्र खोल्नुभो बाह्र ठाउँमा
तामझाम भो भित्र बाहिर
खेल खेल्न बा लाग्छ माहिर । (२३)

झिक्नुहुन्छ बा जोश जाँगर
पुग्नुहुन्छ बा दूरमा पर
बा विदेशको चाकरी गरी
मख्ख पर्नुभो जिन्दगी भरी । (२४)

बा स्वदेशको अन्नमा भुली
फेर्न थाल्नुभो तीव्र काँचुली
निम्न वर्गमा पर्नुहुन्न बा
गिर्न जान्नुभो झर्नुहुन्न बा । (२५)

माफियासँगै बस्न जान्नुभो
छिद्रछिद्रमा पस्न जान्नुभो
गर्न जान्नुभो आयआर्जन
चिर्नुहुन्छ बा निम्नको मन । (२६)

०००
ओखलढुङ्गा