डिल्लीप्रसाद मूलतिहुनकति मर्नु ?
वनमा कहिले घरमा कहिले मरिँदैछ हरे जहिलेतहिले म जताछु उता किन काल गयो अझ ज्यान लिने अनिकाल भयो ।
डिल्लीप्रसाद मूलतिहुन :
जिउँदो रहँदै किन ज्यान मर्यो
नमरी नहुने परिबन्ध पर्यो
कुन मार्ग पस्यो मनभित्र छुरा
कसरी कमलो मुटुभो टुकुरा ।१।
अतिचार दुख्यो सब अङ्ग गले
अनि नेत्र दुवै भरिए जलले
किन जीवन यो छरपस्ट भयो
जति श्वास चले पनि ज्यान गयो ।२ ।
कहिले दिउँसै पनि ज्यान मर्यो
अनि साँझ मर्यो र बिहान मर्यो
जब उन्नतिमा अवरोध भयो
कर पाउ चले पनि ज्यान गयो ।३।
कहिले ऋणमा पुरिएर मर्यो
र अभावहरू धुरिएर मर्यो
कसरी म भनूँ कति कष्ट भयो
सहँदा सहँदै पनि ज्यान गयो ।४।
घरका परका वरका जनले
अझ थिच्नु थिछे कति दुर्जनले
सहिसत्य कुरा पनि पाप भयो
अबराध बिना पनि ज्यान गयो ।५।
जति सेवक भो उति पल्ट मर्यो
अझ संकटमा उपकार पर्यो
अपराध सधैं बलवान भयो
जब पुन्य गर्यो तब ज्यान गयो ।६।
वनमा कहिले घरमा कहिले
मरिँदैछ हरे जहिलेतहिले
म जता छु उता किन काल गयो
अझ ज्यान लिने अनिकाल भयो ।७।
०००
मोलुङ-५ ओखलढुङ्गा
हालत उस्तै उस्तै लाग्याे ।