डिल्लीप्रसाद मूलतिहुनदेख्छस् डिल्ली तँ
कालो धन्दा लुसुलुसु गरे मार्न पाइन्छ फाँको यस्तो धन्दा नगर भनिए भ्रष्टले बाल्छ राँको यस्ता काला कदम नचले बाँच्न गाह्रो छ ऐले कालो जालो छलकपटको बुझ्न बाँकी छ तैँले ।
डिल्लीप्रसाद मूलतिहुन :
देख्छस् डिल्ली तँ नजर डुला देश नेपाल कस्तो
सेवा भन्दै दिनदिन कुदिस् मूर्ख छैनन् तँ जस्तो
तैले जोजो असल छ भनिस् तान्छ खुट्टा उसैले
मान्छेलाई गहनसँगले चिन्नबाँकी छ तैले ।१।
गाली खालास् कलम नचला तुन्छ थाङ्ना भनेर
भाषा सेवी किन हुनु पर्यो राष्ट्रवादी बनेर
बाङ्गा लेख्छस् किन तँ कविता भन्न थाले सबैले
के बिब्ल्याँटो कदम यसरी हिड्नुको अर्थ तैले ।२।
सोझोभन्दा विकृत गतिलो मान्छ तेरो समाज
बाङ्गैबन्ने रहर छ भने लड्नजा त्यो चुनाव
नेताले हो गफसफ दिँदै देश बर्बाद पार्ने
भन्ला तेरो ह्रदय कसरी राष्ट्रलाई सिँगार्ने ।३।
कालो धन्दा लुसुलुसु गरे मार्न पाइन्छ फाँको
यस्तो धन्दा नगर भनिए भ्रष्टले बाल्छ राँको
यस्ता काला कदम नचले बाँच्न गाह्रो छ ऐले
कालो जालो छलकपटको बुझ्न बाँकी छ तैँले ।४।
०००
चाँगुनारायण, भक्तपुर
गज्जब!!