सुशील रिजालज्येष्ठहरू अति कष्ट सहन्छन्
गुञ्जन बढ्दछ वृद्ध अखानाे लाग्दछ दुर्बल तुच्छ अचानाे । जीवनका मजधार कहन्छन् ज्येष्ठहरू अति कष्ट सहन्छन् ॥
सुशील रिजाल :
बेहद भाे हद लाग्छ अचम्म
के छ र शाश्वत केबल दम्भ ।
दुष्टहरू जब लम्पट हुन्छन्
ज्येष्ठहरू अति कष्ट सहन्छन् ॥
जीवनकाे रन घायल हुन्छ
नेत्र न चिन्दछ कर्ण न सुन्छ ।
रङ्ग ढली बल निर्बल हुन्छन्
ज्येष्ठहरू अति कष्ट सहन्छन् ॥
ठान्दछ दुर्जन वृद्ध निकम्मा
हुन् घरका उपहार र खम्बा ।
दुर्जन सन्तति खै धन भन्छन्
ज्येष्ठहरू अति कष्ट सहन्छन् ॥
याचक झैँ मन याचन गर्दै
कष्टबिदायक निर्जन बन्दै
चिन्तन मन्थन कर्कश ठान्छन्
ज्येष्ठहरू अति कष्ट सहन्छन् ॥
गुञ्जन बढ्दछ वृद्ध अखानाे
लाग्दछ दुर्बल तुच्छ अचानाे ।
जीवनका मजधार कहन्छन्
ज्येष्ठहरू अति कष्ट सहन्छन् ॥
०००
कीर्तिपुर ।
Subscribe
Login
0 Comments
Oldest
