नेपाली हास्यव्यङ्ग्य अनलाइन पत्रिका

डिल्लीप्रसाद  मूलतिहुन :

तिमी कस्ता बाङ्गा सुझ न बुझले बाङ्गिनु परोस्
कतै तिम्रो ठ्याक्कै सरम नरहोस् नाङ्गिनु परोस्
यसो गर्दा आफैं गदगद हुने आदत गर
अझै बाङ्गो बन्ने रहर छ भने मुन्तिर झर ।१ ।

नहोस् थाहा पत्तो असल बनिएँ मूर्ख बनिएँ
कला सिक्तै जाऊ मगज मलले टम्म भरिने
सराप्नेमा जेठो हुनसिक उँभो जानुछ भनी
अझै छाडा बोल्ने रहर गरियोस् जोकर बनी।२ ।

कुनैबेला एक्लै बकबक गरी बम्किन सिक
यसोगर्दै औसी सरह दिउँसै चम्किन सिक
तिमीलाई राम्रो अपच हुनु स्वाभाविक भयो
गनाएरै बस्ने तहबह मिलोस् त्यो उचित हो ।३ ।

म भन्दा जान्ने यो भुवन भरमा को छ र भनी
तिमी हान्ने साँढे सरह सिक है डुक्रन पनि
हिलो मैलोभित्रै चरम सुखको स्वाद छ भने
सफा खोज्ने मान्छेसँग अझतिमी दुश्मन बने ।४ ।

सबैले गर्नेछन् जयजय बडो सुन्दर भनी
इमान्दारी भन्ने मनतिर नराखे रति पनि
अझै बाङ्गो बन्ने बलगर तिमी मित्र नचिन
मिल्यो बाङ्गै बन्दा शुभ फल भने सोझिनु किन ।५ ।

०००
णणण