नयाँ वर्ष
नयाँ वर्ष दुर्धर्ष सङ्घर्ष छोडी नयाँ हर्ष उत्कर्षमा जुर्मुराओस् दुराशा निराशा जरैबाट तोडी नयाँ वर्ष आनन्दले मुस्कुराओस् ।
१
नयाँ भावनाको बिहानी उघारी
हिजोका समस्या सबै चूणर् पारी
नयाँ वर्ष आओस्, नयाँ हर्ष छाओस्
सबैतर्फ आशा, भरोसा पलाओस्
२
नहोस् दुष्ट बोली र माया बिरानो
नयाँ जोस जागोस्, नहोस् चित्त सानो
बनोस् भव्य नेपाल जीवन्त रानो
नहोस् व्यर्थमा ज्यान हाम्रो अचानो !
३
नयाँ सिर्जना होस्, दिगो शान्ति छाओस्
सुखी जिन्दगीको नदी कल्कलाओस्
खुलोस् याम नौलो लिई घामपानी
सधैँ धप्पपाओस् सुनौलो जवानी
४
कतै क्रूर आतङ्क हिंसा नआओस्
नयाँ रोशनीसाथ आभा उदाओस्
सबैतर्फ सद्भाव सम्पूणर् छाओस्
युवाशक्ति ऊर्जा बनी जुर्मुराओस्
५
जराजीणर् बासी उदासी विचार
नयाँ वर्ष आएर टाढा लघारोस्
बनून् ऊर्ध्वगामी सबै होसियार
कसैले कुनै युद्ध हार्दै नहारोस् !
६
वितण्डा परै होस् नहोस् भागवण्डा
उठोस् फर्फराएर रङ्गीन झण्डा
हटी दुष्टतासाथको बेइमानी
बनून् स्वाभिमानी र सारा इमानी !
७
नयाँ वर्ष दुर्धर्ष सङ्घर्ष छोडी
नयाँ हर्ष उत्कर्षमा जुर्मुराओस्
दुराशा निराशा जरैबाट तोडी
नयाँ वर्ष आनन्दले मुस्कुराओस् ।
०००
काठमाडौं