साधुराम खड्काआऊ नयाँ वर्ष
बैगुनीहरूलाई गुन लगाई पुष्पवृष्टि गराउन सकूँ नयाँ वर्ष पलपलमा सुखानुभूति सहित हर्षोल्लासका साथ आऊ २०८० को नव वर्ष ।
हिलोको कमल सरी
मुस्कुराउँदै आऊ नयाँ वर्ष
वसन्तको वहार बोकी
हर ओठमा फुलाऊ नयाँ वर्ष
बिहानीको मिर्मिरेसँगै
जुर्मुराउँदै आऊ नयाँ वर्ष
रोग, शोक र ऋणलाई
दम्पच बनाएर आऊ नयाँ वर्ष
हरेक नेपालीको घरघरमा
सुख र संबृद्धि लिइ आऊ नयाँ वर्ष
जीवनमा नवीनतम् अध्याय
हर कदममा खोजी ल्याऊ नयाँ वर्ष
दुष्कर्महरूलाई पार लगाई
गर्न सर डोर्याई राख नयाँ वर्ष
बैगुनीहरूलाई गुन लगाई
पुष्पवृष्टि गराउन सकूँ नयाँ वर्ष
पलपलमा सुखानुभूति सहित
हर्षोल्लासका साथ आऊ २०८० को नव वर्ष ।
०००
बुढानिलकण्ठ, काठमाडाैं
Subscribe
Login
0 Comments
Oldest
