भोलानाथ सुबेदीदारी महिमा
उच्च पदमा पु-याउँछु भन्छ दुःख दिने नेता जस्तो दारी दारीभित्र जुम्रा परे झार्ने कसो गरि कमिसनको पोखरीमा पौडी खेल्छ दारी यही दारीको सिरानीमा सुत्ने गर्छन् नारी ।
भोलानाथ सुबेदी
यो दारी मलाई भयो भारी
आउने गर्छ यो बनेर घारी
छुनु हुँदैन रुवाउँछु भन्छ
स्याहार गर्छु भन्दा रिसाउँछ
अरुका गालामा सर्न खोज्छ
काटौँ भनी खोज्यो मर्न खोज्छ
बेला बेला शरण परे झैँ गर्छ
चिलाएर मलाई ऐठन पार्छ
कन्याउँदा मालिस गरे झै मान्छ
कराउँदा नालिस गरे झैँ ठान्छ
विद्वानको गालामा झुलेको रे
मख्ख परी आफैं फुलेको रे
मलाई विद्वान बनाउँछु भन्छ
उच्च पदमा पु-याउँछु भन्छ
दुःख दिने नेता जस्तो दारी
दारीभित्र जुम्रा परे झार्ने कसो गरि
कमिसनको पोखरीमा पौडी खेल्छ दारी
यही दारीको सिरानीमा सुत्ने गर्छन् नारी ।
०००
ओखलढुङ्गा
सम्पर्कः- ९८४३०५४१६१
Subscribe
Login
0 Comments
Oldest
