नेपाली हास्यव्यङ्ग्य अनलाइन पत्रिका

सुभाषचन्द्र देवकोटा :

मुसाको धर्म नै !
काट्नु हो !

तर, आजकलका मुसाहरू !
लुगाफटाहरू काट्दैन् !
टेलिफोनका तारहरू पनि काट्दैनन् !

मुसाहरू,
संविधानको पानाहरू काट्छन् !
न्यायाधीशहरूको विवेक काट्छन् !
इमान, जमान काट्छन् !
जनताको सपना काट्छन् !

मुसाहरू जाली छन् !
हेराफेरीमा माहिर छन्,
दिनलाई नै रात पार्न खप्पिस छन् !

हाम्रो देशका ढाडे मुसाहरू !
अदालतमा न्याय काट्छन् !
इमान्दारिताको गला काट्छन् !
शहीदहरूको सपना काट्छन् !
विकास र समृद्धिको बाटो काट्छन् !

मुसाहरू आजकल,
लुगा काट्दैनन !
बिजुलीका तार पनि काट्दैनन !
सिर्फ, सिर्फ देशको सपना काट्छन् !!

०००
गोरखा