नेपाली हास्यव्यङ्ग्य अनलाइन पत्रिका

चूडा निर्भीक :

१
हँसाउनेले हँसाउन सकेनन् कहाँ गए ?
नेताहरूका अगाडि कलाकार फिक्का भए ।
वास्तवमा राजनीति व्यङ्ग्य नै केन्द्रमै रहे ॥

२
के गर्नु हाम्रो अवस्थाले दुनियालाई हँसाएको छ ।
सधैँ सधैँ नै गाईजात्रा राजनीतिमा पसाएको छ ।
जिम्मेवार भन्नेले देश रसातलमा धसाएको छ ॥

३
के भयौँ के भयौँ हामी संसारकै पछाडि पर्‍यौँ ।
स्वर्ग जस्तो देश बिगारेर तल पाताल झर्‍यौँ ।
विश्व सामु नेता मात्र हैन प्रजा जिउँदै मर्‍यौँ ॥

४
हत्या हिँशा अनि बलात्कार चलेकै छ ।
सोझा र सीधालाई भाग्यले छलेकै छ ।
यसो गर उसो गर देश जलेकै छ ॥

५
छुवाछुत प्रथा, नारी भेदभाव संविधानमा हटेको छ ।
बलात्कारीले बलात्कार पछि पनि चेली मार्न खटेको छ ।
दलीत र ब्राह्मण क्षेत्रीको सम्बन्ध पनि डाँडा कटेको छ ॥

०००
हाल : चन्द्रागिरि १० काठमाडौं ।