नेपाली हास्यव्यङ्ग्य अनलाइन पत्रिका

चेवनचन्द्र बस्नेत :

नारा सुने हिजो अस्ती, झेलि कुरा रटाउने ।
घाँटी माथि मिलाएर, चार इन्ची घटाउने ॥१॥
पाटे बर्दी लगाएर, द्यौसी खेल्न खटाउने ।
आज फेरि वचन् सुने, करोडौलाई अटाउने ॥२॥

गाँस बास शिक्षा स्वास्थ्य, लालिपप चटाउने ।
चड्कनको चटामारी, चाख भन्दै चखाउने ॥३॥
संघियता धरासायी, गणतन्त्र बचाउने ।
अंशबन्डा जिवै पिच्छे, सब्लाइ मालिक बनाउने ॥४

साँच्चै होत पसौ फेरी ?, घुर्की ठूलो सुनाउने ।
करूणाले बिष प्याला, मुस्कुराउदै पिलाउने ॥५॥
भ्रष्टाचारको खुगीभित्र, झिक्दै खाँदै रमाउने ।
मोजमस्ती भयो दोस्ती, देश विदेश् घुमाउने ॥६॥

कैले होला हिलोभित्र, कालो ढुँगा टुसाउने ।
मझेरीको अगेनोमा, इन्द्रकमल् फूलाउने ॥७॥
चौबाटोमा पुजाथापी, दुष्कर्मलाई जलाउने ।
नेपालीका करेसामा, सुन गुच्चा फलाउने ॥८॥

०००
काठमाडौं