नेपाली हास्यव्यङ्ग्य अनलाइन पत्रिका

वासुदेव लुइँटेल :

(१)

धोका धक्कू धम्कीलाई,
धर्म शब्दमा चट्ट मिलाई,
व्याख्यान गर्ने पण्डितलाई,
उल्टो सुल्टो लप्वा स्वाई,
मेरो भन्नु यत्ति छ-
रातलाई दिन ठान्दिनँ,
त्यस्तो धर्म मान्दिनँ,
म लामो कुरा जान्दिनँ !

(२)

अर्थ नबुझो नारा घोक्ने,
चन्दा उठाई रक्सो धाेक्ने,
ज्याला पाए जुलूस हाँक्ने,
अरोटअनुसार भाषण छाँट्ने,
मौका पारी दुनियाँ ढाँट्ने,
ढोका ढुक्तै मन्त्री ताक्ने,
देश-सेवाको मखुण्डो भिनें,
बलियो देखे टाङमुनि छिनें,
स्याललाई सिह मान्दिनँ,
म लामो कुरा जान्दिनँ !

(३)
शब्द फुटाई, गाली, ढाली,
दुनियाँभरका बुट्टा हाली,
होश विनाको कोश बनाई,
जोशसँग पढ्ने पङ्क्तिलाई,
कविता कहिल्यै मान्दिनँ,
तिमीलाई कवि ठान्दिनँ,
म लामो कुरा जान्दिनँ !

०००
‘बिहान, वर्ष १ अङ्क २, २०२० साउन-भदौ-असोज
भीमसेनपाती (२०२७)