विश्व विनोददेश कहाँ छ त ?
अब देशलाई देश हुन नदिनेले अवसानतर्फ धकेल्दैछन्, अनि त्यही खरानी धसेर समृद्धिको यात्रामा लाग्नेछन् एकादेशका मानिसहरू अनि देशलाई नरकको हवन कुण्डमा होमेर यी पण्डितहरुले भन्नेछन् ॐ स्वाहा .... ।
विश्व विनोद :
अलिकति नागरितामा छ,
अलिकति नक्सामा छ
विदेशबाट फर्केका कफिनका बक्सामा छ
अलिकती पासपोर्टमा लेखिएको छ
मनमा छ
देश कहाँ छैन त ?
दलाल नेताको खोपडिमा
सुस्ताका झोपडिमा
ढिलासुस्ती गर्ने घुसखोर
सरकारी कर्मचारिको मगजमा
हामीले बोल्ने लवजमा
हो, अब देशलाई देश हुन नदिनेले
अवसानतर्फ धकेल्दैछन्,
मसानतर्फ धकेल्दैछन्
अनि बेच्नेछन अस्तु
अनि त्यही खरानी धसेर
समृद्धिको यात्रामा लाग्नेछन्
एकादेशका मानिसहरू
अनि देशलाई नरकको हवन कुण्डमा होमेर
यी पण्डितहरुले भन्नेछन्
ॐ स्वाहा …. ।
०००
लमजुङ
Subscribe
Login
0 Comments
Oldest
