अमृत अधिकारीपिरै छ
सुख हेर्ने साहुलाई पनि राहुले दुख द्याछ ठग्दै हिँड्ने कामचोर पनि उल्टै ठेकदार भा’छ जे गर्दा नि दुख छ न त बुझ्ने नेता छ हुनेलाई त ठिकै छ नहुनेलाई पिरै छ ।
अमृत अधिकारी :
झुटको खेती गर्ने थलो
छैन यहाँ भलो
थैलो भर्दै घरदैलो
खेल्छन् आफै भैलो
गोरेले नि चन्दा उठाई
गर्छ कालो धन्दा
इमान बेच्ने इनाम खोज्छ
कालो धन गन्दा
चीनले पनि चन्द्रमामा
पाइला टेक्न भ्याछ
भुइँमा खुट्टा नहुनेले
जे भन्दे नि भा’छ
सुख हेर्ने साहुलाई पनि
राहुले दुख द्याछ
ठग्दै हिँड्ने कामचोर पनि
उल्टै ठेकदार भा’छ
जे गर्दा नि दुख छ
न त बुझ्ने नेता छ
हुनेलाई त ठिकै छ
नहुनेलाई पिरै छ ।
०००
बैरेनी-९, धादिङ
