अमृत अधिकारीहाम्रो सरकार
सत्तामा पुगेर सरकार हेर्नेले अन्धकार हटाएर अधिकार हेरेन घुस खाएर घर खर्च चल्नेको जुलुस नलाई जिन्दगी चलेन ।
अमृत अधिकारी :
आउने जाने आफन्त चिन्नेले
जनता मार्ने ज्यानमारा चिनेन
भोट माग्दा भविष्य देख्नेले
न्याय मर्दा अन्याय देखेन ।
सुनपानी छर्केर सफाई दिनेले
शपथ नखाई सलाम दिएन
घोडा चढेर घरदैलो गर्नेले
वरदान नपाई योगदान दिएन ।
सत्तामा पुगेर सरकार हेर्नेले
अन्धकार हटाएर अधिकार हेरेन
घुस खाएर घर खर्च चल्नेको
जुलुस नलाई जिन्दगी चलेन ।
बुद्धि पलाएको विद्वान परेनि
बीउ नउम्री विश्वास भएन
बलिया बाघहरू दरबार छिरेनि
सिंहदरबार सबैको घरबार भएन ।
०००
बैरेनी-९, धादिङ
Subscribe
Login
0 Comments
Oldest
