नेपाली हास्यव्यङ्ग्य अनलाइन पत्रिका

जगदीश्वर पाेखरेल :

ध्वस्तै बनाए वन फाँट लेक
चुरे सके छन् दिनरात शोक
बनेर साँढे अब भो’ नखोक
लुटेर सारा धन राज्यकोष ।।१

नेपालको वैभव सक्न जोश
व्बाँसा हसुर्छन् जति मिल्छ कोष
बढ्दै छ साह्रै जन भित्र रोष
लुटेर सारा धन राज्यकोष ।।२

गङ्गा नबेचौँ धरती छ सुक्ला
सोचौँ सबैको शिर सान झुक्ला
छाडा हुँदै ठग मात्र पोस
लुटेर सारा धन राज्यकोष ।।३

विचार राम्रो गर नित्य होस
लुट्नेहरू को बल शक्ति खोस
हुँदै छ ध्वस्तै हुनबाट रोक
लुटेर सारा धन राज्यकोष ।।४

लिदैन चिन्ता किन देश हाँक्ने
सोचौ न आफ्नो गरिमा उकास्ने
मेटिन्न तिर्खा जति मद्य धोक
लुटेर सारा धन राज्यकोष ।।५

०००
पाउँदी, लमजुङ