नेपाली हास्यव्यङ्ग्य अनलाइन पत्रिका

विष्णुहरि पौडेल :

ल्यायौँ संघीयता विकृतिको शासकीय प्रणाली ।
राजा फाल्यौँ बहुदल, दिने वाम झण्डा उचाली ॥
यो नेपाली रगत पसिना पोख्नुको अर्थ व्यर्थ ।
खै के पायौँ नगद गतिलो खर्चिँदा तीस वर्ष ।१।

राजा बेलायत, अरबमा, स्पेन, जापानमा छन् ।
हामीभन्दा विकसित तिनै देश सर्वांगमा छन ।
पल्के नेता डलर हरियो घाँसमा जात फाले ।
आफै राजा हुन मन गरे, खोट धेरै निकाले ।२।

नौलो नेपाल त छ सपना बाँझिए लेक फाँट ।
राजाभन्दा अझ भडकिलो देखियो ठाँटबाँट ।
जम्बो ढाँचा प्रतिनिधि पुगे लाखको आसपास ।
सत्ता भत्ता कमिसनमुखी यै छ संबृदि खास ।३।

बेचे औद्योगिक निगम, झन् मासिए होजियारी ।
दौडे खाडी युवक नहुँदा देशमा रोजगारी ।
यो माटोमा दल र तिनका दौंतरी छन् दलाल ।
खोक्रो पारे मुलुक ऋण बेहाल भो हालचाल ।४।

राजा डुल्थे मुलुकभरि नै एकताका प्रतीक ।
मेची काली सडक खनियो संझनाको अतीत ।
चेप्तै आए पर मुलुकले पिम्पिया टाकुरामा ।
नेपालीको रगत सकिए झैं भयो पाखुरामा ।५।

पार्टीका राष्ट्रपति कसले मान्छ साझा हितैषी ।
जो फिर्छन् आवधिक पदमा बन्दछन् पक्षपाती
राजाले ताष्ट्रहित नगरे गुम्छ श्रीपेच गद्धी ।
साझा राजा मुलुक गरिमा हुन्छ संमान बृद्धि ।६।

हाम्रो के हो परिचय,चिनो,मूल्य को भान छैन ।
के हो गाई,गहुँत,तुलसी बुध्दमा ध्यान छैन ।
हाम्रा छन् साँस्कृतिक गरिमा भेषका फूलबारी ।
मासे खै के परिचय भयो,अस्मिताको चिनारी ? ।७।

राजावादी पिचि बुलता दका हुन् पुजारी ॥
ऐले कांग्रेस छ ढुलमुले वामको बोक्छ भारी
मैले मान्ने तरुण रुखमा ऐजरू त्यो हथौडा ।
निस्ठा ज्यादै बिचलित भयो,छाप हान्दैन औंला ।८।

धर्मात्मा क्रिश्चिय किन भो धर्म मान्थेन वाम ।
नौटंकी छन् चरित यिनका चाप्लुसी ठाम ठाम ।
सत्ता ठूलो किन ठहरियो वाद सिद्धानभन्दा ।
तिम्रो स्वार्थी गुट-नियतको लाग्छ गन्दा छ धन्दा ।९।

त्यो संवैधानिक विगतको राजकीय प्रणाली ।
भन्थ्यौ सर्वोत्तम छ उहिले फेरि खोजौँ बहाली ।
खुट्टी साना खुब चुरिफुरी देखियो वाहियात ।
संस्कारी सत्पुरुष प्रतिभा जान्दछन् राजपाठ ।१०।

हाम्रो धेरै अवनति भयो देशको मान मैलौ ।
पर्देशीको घर घर पुगी खेल्न थालेर भैलो ।
थुप्रै छन् प्राकृतिक गहना राष्ट्रमा स्वर्ण खानी ।
ल्याऔं आफ्नै श्रम र सिपले सिर्जनाको बिहानी ।११।

०००
काठमाडौं