नेपाली हास्यव्यङ्ग्य अनलाइन पत्रिका

अन्जु शर्मा

जवान दिदी थिइन् घरमा,
घरबार थियो बन्दकीमा
साहुको जाली नजर सधैं
,दिदीकै त्यो जवानीमा।

आँसु झार्दै भन्थिन आमा,
चोली टाल्ने कसरी हो ?
देखि बाउको फाट्या टोपी
परे सधैं म दोधारमा।

पढे पनि जागिर पाइन
खोज्छन् सबै आफ्नै मान्छे
थिएन पूजी धेरै मेरो,
गर्नलाई बन्द व्यापार ।

रोजें खाडी मुलुक नै,
साठी डिग्री चर्को घाम
छोडी मेरी प्रेयसीलाई,
सिंदुर हाल्ने वाचा गरि।

मेसिनले काट्यो खुट्टा,
बेहोसी भै भूइँमा लडें
छेउमा बसि आमा राेइन्,
बाबु गए परलोकमा।

श्रोत साधन कुम्लाएर,
नेता बस्छन् सदनमा
भन्छिन् दिदी रूँदै-रूँदै,
हातमुख जोर्नलाई
म त गएँ देह व्पपारमा।।

०००
रातोपुल, काठमाडाैं