नेपाली हास्यव्यङ्ग्य अनलाइन पत्रिका

नारायण भट्टराई :

भगवान् होइन त्यो मानव, तथास्तु भन्न जान्दैन
ढुंगामा कुँदिएको आकृतिलाई उसले देवता मान्दैन।
काममा विश्वास गर्छ सधैं चाकरी गर्न मान्दैन
बौद्धिकताको पूजारी ऊ, कुरा चपाउन जान्दैन।

आत्मरातिमा रमाउँदैन सच्चा मानव, आलोचनासँग डराउँदैन
आफैँ लेखक, आफैँ समीक्षक, उसका सिर्जनाको मर्म होईन।
एउटा खुला किताब हो त्यो मानव, जसले जे लेखे नि हुने,
ज्यान जाला, हारसँग डराएर ऊ छैन कहिल्यै रुने।

हावासँग बहकिन्न त्यो मानव, ऊ त आफ्नै बाटो हिँड्छ
बेइमानहरूको कुकर्म विरुद्ध उभिएर सधैं भिड्छ।
कसले के भन्छ? त्यो उसको मतलबको कुरा होईन,
सबै हुन् मित्र उसका आँखामा; शत्रु भन्ने कोही छैन।

अहंकारी भनुन् या घमण्डी, मतलब छैन केही
“मान्छेको मन नदुखाऊ” भन्छ उसले देही।
ध्यान, आँट, जोश र जाँगर भए असम्भव केही छैन,
समस्यासँग डराएर भाग्नु उसको कर्म होईन।

०००
ययय