हाेमनाथ घिमिरेराष्ट्रियता !
षड्यन्त्र छल या धोका छद्मभेष निरन्तर ! देखिन्छ दोगला मान्छे बोली कर्म छ अन्तर ! बन्दैन कवि यो दास गर्दैन चाकडी पनि ! गन्दैन राष्ट्रका कंस रोकिन्न कत्ति लेखनी !
हाेमनाथ घिमिरे :
हरियो कार्ड बोकेर राष्ट्रियता सुनाउँछन्
हुँदैन शिरमा टोपी संस्कार के सिकाउँछन् ?
विरोध गर्नको निम्ति विरोध छन् सबैतिर !
जलाए घरको छानो गर्लाम्य राष्ट्र मन्दिर !
इसारा कसको होला सोच्दैछ अहिले कवि !
छर्लङ्ग छन् सबै तथ्य मध्याह्न दिनका रवि !
षड्यन्त्र छल या धोका छद्मभेष निरन्तर !
देखिन्छ दोगला मान्छे बोली कर्म छ अन्तर !
बन्दैन कवि यो दास गर्दैन चाकडी पनि !
गन्दैन राष्ट्रका कंस रोकिन्न कत्ति लेखनी !
०००
देवघाटधाम, चितवन
२१ पौष, २०८२
Subscribe
Login
0 Comments
Oldest
