हाेमनाथ घिमिरेचिन्ता छ !!
अब छिट्टै जापानकै स्तरमा पुग्छ रे नि देश, अझै गरिबीको खाडलमा झार्ने हो कि, चिन्ता छ ! रगतै रगत चुस्ने उपियाँ उडुस जस्ता नेता भए, अब बोरामा खाँदेर वैतरणी तार्ने हो कि, चिन्ता छ !
हाेमनाथ घिमिरे :
यो चुनावमा देश नै हार्ने हो कि; चिन्ता छ !
गधा पोसेर गाई मार्ने हो कि; चिन्ता छ !!
हेपिएको चेपिएकाे पनि कत्ति कुरा गर्नु र,
भोलि राजधानी नै सार्ने हो कि, चिन्ता छ !
विपन्न वर्गलाई नयाँ सरकारले हेर्छ रे अब ,
के थाहा नुन चिउराले टार्ने हो कि, चिन्ता छ !
भन्दैछन् मिचिएको साँध -सिमाना ठिक गर्छौँ अब,
कतै मेची काली नै बार्ने हो कि, चिन्ता छ !
अब छिट्टै जापानकै स्तरमा पुग्छ रे नि देश,
अझै गरिबीको खाडलमा झार्ने हो कि, चिन्ता छ !
रगतै रगत चुस्ने उपियाँ उडुस जस्ता नेता भए,
अब बोरामा खाँदेर वैतरणी तार्ने हो कि, चिन्ता छ !
०००
५ फागुन २०८२
चितवन
Subscribe
Login
0 Comments
Oldest
