नेपाली हास्यव्यङ्ग्य अनलाइन पत्रिका

लालबाबु पाेखरेल :

कहिले सेताे कहिले कालाे
बन्छ छिरबिरे एक बिरालो
चिम्लन्छ आँखा मुसाे देखी
उल्टाे उसैले मार्छ अँगालो
१

चाेटा काेठा सबै चहारी
दायाँ बायाँ दृष्टि लघारी
भान्सा छिर्ने मौका मिल्दा
जुँगा मुसार्दछ दुग्ध निखारी
२

अस्ति खायो हिजाे पनि खायो
किन भन्थ्याे याे पेट अघायाे
दमाहा हाे कि भुँडी उचाली
ढलक ढलक गरी फेरि आयो
३

दुध, दहीकाे वासना छायो
फेरि फर्की यही घर आयो
तिखा नङ्ग्रा र दाँत लुकाई
म्याउँ म्याउँकाे गीत बजायाे
४

घरबेटीकाे सुरी सुरीकाे
धुन जब सुनेथ्याे बाँसुरीकाे
लुसुक्क छिरेथ्याे म्याउँ गर्दै
आज जमाउँछ चुरीफुरी त्यो
५

दिइएकाे दाल-भात छाेडी
भर्छ भुँडी याे गाेरस चाेरी
माटो खाेस्री पुर्दछ आची
प्रमाण लुकाउँछ याे कसाेरी
६

मुसाहरूकाे पहराभित्र
त्यही ढाडे वीर कहलायाे
अचम्मको याे दाेस्ती देखी
घरबेटीमा हाेस पलायाे ।
७

०००
गौशाला नपा- ११, महाेत्तरी