नेपाली हास्यव्यङ्ग्य अनलाइन पत्रिका

गज्जब फेसन आयो, टाउको टन्काउने
आँखा छोपी चस्माले, नाइटो सन्काउने ।

प्यान्ट खस्ला खस्ला छ, कम्मर हल्लेको
चोलो छोटो हो कि यिनको भित्री तन्केको
ऐँसेलुदाना नाइटो छ, मनै लोभ्याउने
गाजलु आँखा छोपेर नाइटो सन्काउने ।

कटीमा त्यो कुँदिएको मणि ऐँसेलु टल्कने
कलापुञ्ज आहा नाइटो सृष्टिको मूल झल्कने
कमलको फूलको डोब, दिव्य नाइटो उदाइसक्यो
साहित्यमा जति रस छन्, नाइटैबाट रसाइसक्यो ।

व्यर्थै गए नयनवाण सव, चश्माको ढाल तेर्सियो
नाइटोकै तीरले, दिलमा आगो सन्कियो ।

बत्तिसपुतली, काठमाडौं