नेपाली हास्यव्यङ्ग्य अनलाइन पत्रिका

(अनुष्टुप छन्दमा)
किन हो दारुको प्याला बोकेको अनुहारमा ?
खोजेको पिउने मान्छे हो कि हाट बजारमा ?
दारुको निम्ति मान्छे के, लाखौँ लाख तयार छन्
पैसै पैसा बिछ्याएर टन्न धोक्ने हजार छन् ।

गाईको दूध खोज्दै म ढुङ्ग्रो बोकी हिँडे कति
दारुकै मात्र बेपारी देखियो भेटिए जति
गरीब गाउँको मान्छे दारु उस्तो म चिन्दिन
म त हुँ दूधको प्रेमी भयो दारु म किन्दिन ।
कोलोराडो