नेपाली हास्यव्यङ्ग्य अनलाइन पत्रिका

नानीलाई नाङ्गिएर देखाउने रहर छ
सकेसम्म छोटो नाना छेकाउने रहर छ ।

ड्याडी–ममी दिदीज्यूको प्रेरणामा परेर
मिस नेपालमा आफ्नो नाम लेखाउने रहर छ ।

माध्यमिक कक्षासम्म शिक्षा पुग्दानपुग्दै
ब्वाइफ्रेन्डको ज्यानमा ज्यान टेकाउने रहर छ ।

आफ्ना देशका दिदीबैनी कुन कुनामा रुँदा हुन्
मैयाँको अङ्ग्रेजी हावा भेटाउने रहर छ

देशमा बढ्दो हत्याहिंसा दमन सारा छोपेर
देश हितमा पर्यटन लट्टयाउने रहर छ ।

दुई दिनको जिन्दगानी चैन गर्नै बाँचेकी
धेरै ‘मिस्टर हिरो’हरू पट्याउने रहर छ ।

हेटौडा