होम सुवेदीतर संविधान चैँ बनाऊ
(यस गीतका सबै ओरिजिनलहरूप्रति क्षमा माग्दै)
कलम माग्न विदेश जाने भा जाऊ
तर संविधान चैँ बनाऊ
लेखाउन बरु अरुकै हातबाट लेखाऊ
तर संविधान चैँ बनाऊ ।
बाँच्छु कुर्सीकै लागि भन्छौ
मरे कुर्सीमै भन्छौ मर्छु
यदि कुर्सी पाइन भने
भन्छौ जे पनि गर्छु
कुर्सीसँगै परलोक जाने भए जाऊ
तर संविधान चैँ बनाऊ ।
मरी जाउँ पार्टीको कसम
कुर्सी नलिई छाड्दिन भन्छौ
यदि कुर्सी पाईन भने
सरकारमा जाँदिन भन्छौ
कुर्सी आफ्नै घरमा लाने भए लैजाऊ
तर संविधान चैँ बनाऊ ।
