नेपाली हास्यव्यङ्ग्य अनलाइन पत्रिका

दाइजो

वल्लो घरकाले दिएछन् क्याँस,
पल्लो घरकाले दिएछन् ग्याँस,
हामी चाहीँ के दिने त बुढा ! नयाँ छोरी ज्वाइलाई ?
चुप लाग बुढी,
जसले जे दियो उसकै सत्यनास ,
हामीलाई पो के के ठ्यास ठ्यास ।

जन्ती

बा पल्लो घरमा आएका कति राम्रा जन्तीहरू,
कति राम्रा फरासिला अझ लोकन्तीहरू,
नकरा तँ ? करेसाबारीमा हेर्न गाछेस्,
काँक्रो, फर्सी जम्मै लगेछन् चोरका खन्तीहरू ।

केटाकेटी बिहे

पाँच वर्ष अघि, प्रेमको साक्षी आकाश छ धर्ति छ
पाँच दिन अघि, तिमी छैनौ भने म पनि छैन ।
पाँच दिन पछि, तिमी छौ र त म छु,
पाँच वर्ष पछि, कि तँ छैन कि म छैन ।
चारघरे, नुवाकोट