नेपाली हास्यव्यङ्ग्य अनलाइन पत्रिका

कविता गहिरो हुनु पर्छ
त्यो सुनेदेखि कविजी खाल्डो खनेको खन्यै हुनुहुन्छ
आफ्नो कवितालाई गहिरो खाल्डोमा राखेर
कविजी आफ्नो कवितालाइ गहिरो बनाउने शुरमा हुनुहुन्छ ।

कविता राम्रो हुनु पर्छ
त्यो सुनेदेखि कविजी कविता लिएर ब्युटी पार्लर धाउँदै हुनहुन्छ
कविता लेखेको पानामा गाजल लिपिस्टिक दलाउँदै हुनुहुन्छ
कविजी आफ्नो कवितालाई राम्रो बनाउंदै हुनुहुन्छ ।

कविता गम्भीर हुनु पर्छ
त्यसैले त कविजी आफ्नो कविता खल्तीमा हालेर
जो सुकैको मलामीमा पुग्नु हुन्छ
प्राय कवितासँगै उहाँ मसानघाटमै भेटिनु हुन्छ ।
काठमाडौं