नेपाली हास्यव्यङ्ग्य अनलाइन पत्रिका

विद्वानहरूको सम्मेलनको निष्कर्ष
रक्सी खानै हुँदैन भनेर पास भएछ
भोलिपल्टै बजार भरिको स्टक
पसल पसलको रक्सि सत्यानास भएछ,
पर्सिपल्ट रक्सी कहाँ गयो हल्ला भो,
पत्ता लगाउन धुमधाम खोजतलास भएछ
पत्ता लाग्यो,
अगिल्लो रात खानै हुँदैन भनेर पास गर्नेहरूको,
रातभर भट्टीमै बास भएछ ।

पहिले भन्थे बाहुनको छोरो,
छुनै नहुने चिज पिएछ बदमास भएछ,
अचेल सुनिन्छ बाहुनको छोरो,
क्या सानले पिउँछ, बिन्दास भएछ ।

जा अनि गिरको भर नै नभए पनि
आइज अनि तिर खास भएछ,
आज दुई खुट्टा टेकेरै आउँदैछन्
यिनको बिहानको साइत झुरपटास भएछ ।