नेपाली हास्यव्यङ्ग्य अनलाइन पत्रिका

ठिक गर्यौ धरहरा तिमी ढलेर
कति उभिनु सधै यी पानि मरुवाको मुख हेरेर
ठिक गर्यौ धरहरा तिमी ढलेर ।

बाघको छालामा स्यालको रजाईं
भीमसेन थापाको पौरखमा भ्रस्टाचारिको कमाई
ठिक गर्यौ धरहरा तिमी ढलेर ।

देशका रक्षकहरू धरहराको टुप्प बाट बिगुल फुक्थे
देशका भक्षकहरू धरहराको टुप्पाबाट के घुक्थे ?
ठिक गर्यौ धरहरा तिमी ढलेर ।

भन्थे पुराना सबै ढाल्नु पर्छ यी लिलिपुटेहरू
यिनका हातबाट ढल्नु भन्दा त आफै ढल्नु निको बरु
ठिक गर्यौ धरहरा तिमी ढलेर ।

लिलिपुटेहरूको मुर्ति राख्न स्तम्भ कति बनाउनु
कति अरुको पौरखमा धाक लगाई कराउनु
मलाई नयाँ धरहरा बनाउने मौका दियौ तिमी ढलेर
ठिक गर्यौ धरहरा तिमी ढलेर ।
काठमाडौं