नेपाली हास्यव्यङ्ग्य अनलाइन पत्रिका

पैसाका धनी भेटिन्छन् यहाँ
मनका धनी भेट्न गारो छ
मनमा जे होस् तर सबको
मुखले लापत घस्ने भेटिन्छन् यहाँ
बोलाउँदा नसुने झैं गर्छन् कति
ओझेल पर्दा कौलास्ने देखिन्छन् यहाँ
कपाल रंगिन बनाउँछन् धेरैले
उमेर लुकाएर सुन्दर बन्न यहाँ
मानवमा नैतिकता छैन अचेल
पलपलमा बिश्वास दिलाउनु पर्छ यहाँ
पराईले त भनेरै तोड्छन् हामीलाई
आफन्तबाटै जोगिनु पर्छ यहाँ
ढुङ्गे देखिको अनुभव छ सबलाई
आधुनिकको आईटमसम्म यहाँ
बानी नेपालीलाई परिसक्यो
हाजमोलाले झैं सहजै पचाउन यहाँ !

काठमाडौं