नेपाली हास्यव्यङ्ग्य अनलाइन पत्रिका

वारिपारि जगत भरिका मान्छेहरूमा मेल रहोस् ।
लािग रहुन सुकर्ममा सव कतै जालझेल नहोस् ।।

निमुखाले न्याय पाउन धनको अघि पनि सत्य टिकोस् ।
अपराधीका कर पयरमा हत्कडी अनि नेल परोस् ।।

सुखी स्वस्थ भद्र रहुन सब मन मष्तिकमा बुद्धि पसोस् ।
जनता छल्न राजनीतिमा विकृतिको खेल नहोस् ।।

पौरख पसिना फुल्दै झुल्दै टारीबारी भव्य रमोस् ।
सुख्खा खहरे बगरहरूमा कैल्यै नसुक्ने भेल बगोस् ।।

घाम पानीको शक्ति संगाली सबमा जागोस् जाँगर जोस् ।
तोरी बियाँ तिलहरूवाट शुद्ध र ताजा तेल झरोस् ।।

बाँडी चुँडी खान सिकौँ हैन गरौ हामी खोसाखोस् ।
जाँगरियाका भागहरूमा खीर मिठाई सेल परोस् ।।

जहाँ रहे पनि हे नेपाली ! मनमा देशको माया गढोस् ।
दूर सुदूरसँग नाता जोड्दै मोटर गाडी रेल चलोस् ।।

काभ्रे