नेपाली हास्यव्यङ्ग्य अनलाइन पत्रिका

म आएको थिएँ तिम्रो मूलढोकामा
पुरानो सम्झना समझाउं कि भनेर
कति जीवन्त थियो
पुरानो अभिभादन
पुरानो मुस्कान
पुरानो चिया
पुरानो आँशु
पुरानो अट्टहास
तिमी बसेको नयाँ घरमा
मैले खोजें त्यही पुरानो परिचय
भेटिंन कुनै पुरानो
सबै थिए नयाँ
नयाँ गाडी
नयाँ ड्राइभर
नयाँ प्रबिधि
नयाँ सहायक
नयाँ साथी
नयाँ गठबन्धन
पुरानोको कुनै नाम निशान थिएन
म आएको थिएँ
तिम्रो ढोकामा
पुरानो घाउको खत देखाउं की भनेर
मैले हेरें एकछिन
तिम्रो नयाँ ढोका
त्यहि ढोकामा रहेको ऐनामा
आफ्नो सम्पूर्ण रुप
अनि फर्कें चुपचाप
म आएको थिएँ एक छिन
एक अंगालो मारौँ कि भनेर
म आएको थिएँ
पुरानो कुरा सम्झेर
एक छिन संगै आँसु झारौँ कि भनेर
म आएको थिएँ तिम्रो मूलढोकामा
पुरानो सम्झना सम्झाउँ कि भनेर ।

काठमाडौं