स्नेह सायमिकफी !
जसरी आएन औषधि पसलमा सिटामोल जसरी आएन फर्केर भोट दिएको सांसद जसरी संविधान ओर्लेन आम मान्छेको जीवनमा त्यसरी नै मेरो कफी आउँदै आएन !
कफी अर्डर गरेको
आधा घण्टा भयो !
सोधें किन आएन कफी ?
जवाफ आयो-
आउँदैछ
एक घण्टा बित्यो
फेरि सोधेँ
जवाफ आयो-
आउँदैछ
आउँदैछ
दुइ घण्टापछि
कुरीरहें
एक कप कफी
त्यसबेला पनि आएन
कफी
आउँदै आएन
पछि आयो
कफी होइन
नखाएको कफीको
बिल आयो !
जसरी मेलम्चीको पानी
आएन काठमाडौंमा
जसरी देशी मल आएन
किसानको खेतमा
जसरी आएन
हेल्थपोष्टमा डाक्टर
जसरी आएन
औषधि पसलमा सिटामोल
जसरी आएन फर्केर
भोट दिएको सांसद
जसरी संविधान ओर्लेन
आम मान्छेको जीवनमा
त्यसरी नै
मेरो कफी आउँदै आएन !
०००
काठमाडौं
Subscribe
Login
0 Comments
Oldest
