स्नेह सायमिमुसाहरू
नयाँ जीवन नयाँ दस्तावेज, नयाँ आस्था नयाँ नेपालका नयाँ सपना मुसाहरू कुदिरहेछन् अँध्यारोमा ।
मुसाहरू
कुदिरहेछन् अँध्यारोमा
दुलो खनिरहेछन्
घर, भित्ता र भुईँहरूमा
काटिरहेछन्
नयाँ लुगा,
नयाँ घर,
नयाँ जीवन
नयाँ दस्तावेज,
नयाँ आस्था
नयाँ नेपालका नयाँ सपना
मुसाहरू कुदिरहेछन् अँध्यारोमा ।
हाम्रो भान्साका
खाना खाएर
हाम्रै छाना, छिँडी र कोठाहरू
फोहोर गरिरहेछन्
दुलो बनाइरहेछन् नयाँ सम्भावना
काटिरहेछन् नयाँ उत्साह
मुलुकको गरिमा र प्रतिष्ठा
मुसाहरू
पसिरहेका छन् सरकारमा ।
काठमाडाैं
Subscribe
Login
0 Comments
Oldest
