नेपाली हास्यव्यङ्ग्य अनलाइन पत्रिका

१.
बेला चुनावको, महान अस्त्र घोषणापत्र
कमालको जादुको छडी, आहा घोषणापत्र ।
विकास, समृद्धि, उन्नति, प्रगति कति-कति ?
गास, वास, कपास भन्दा प्यारो घोषणापत्र ।।

२.
माना खाएर मेट्रिक टन फल्छ, चुनावको बेला
रोजगारको फ्याक्ट्री घर-घरमा, चुनावको बेला ।
सधैँ डस्ने साढेँहरुले, नमस्कार गरी ढोग्छन् वरै
हेर्नै नमिल्ने कुरा पनि देखिन्छ, चुनावको बेला ।।

३.
इमान्दारलाई बेइमान भनिन्छ, हाम्रो नेपालमा
साँच्चैको असतीलाई पूजा गरिन्छ, हाम्रो नेपालमा ।
पैसा सँग सबै कुरा साट्न मिल्ने, विद्येयक आको हो र ?
न्यायको मलामी र अन्यायको सलामी हुन्छ हाम्रो नेपालमा ।।

०००
स्याङ्जा