नेपाली हास्यव्यङ्ग्य अनलाइन पत्रिका

गायत्री लम्साल :

भ्रष्टाचारको उत्तम अचार, अरबमा खाने ठूलो ।
विद्ययक फेरि सबै पदमा आफ्नै मान्छे लाने ठूलो ॥
बेकारमा सदाचारको कुरा प्लिज नगर न साथी ।
फौजदारी मुद्दाहरु थाँती राखि मन्त्री हुन जाने ठूलो ॥

राक्षसलाई देउता बनाउन जानेका छन् मिडियाले
सित्तैमा लाग्ने कलर पानी तानेका छन् मिडियाले ।
माता र मातृभूमिलाई कति उडाउँछौ महापुरुष
भुस बालेर घुस मात्रै छानेका छन् मिडियाले ॥

गफ लाउन छोडेर अरु काम किन गर्ने साथी ?
मरेका त फर्किसके हामी ज्यूँदै किन मर्ने साथी ?
सुर खोज्नलाई बेसुरमा विश्वभ्रमण गरेँ हजुर
असल बनेर सबैभन्दा पछि किन पर्ने साथी ?

०००
स्याङ्जा