डा. बमबहादुर जितालीसंमृद्ध होस् देश यो
नेपाली जनता भएर भरिया नेता भकारी भयो
सिङ्गो देश अखण्ड, खण्ड उसले पार्दै र लुछ्दैरह्यो । {{read_more}}
दुम्सीका दलमा मिलेर चितुवा खन्ने, चिथोर्ने भयो
ब्वाँसाका चलखेलबाट कसरी संमृद्ध होस् देश यो ?
कस्तो तन्त्र चलाउँदैछ खुफिया सर्वोच्चतामा सदा
गुण्डाराज समाउँदै र दुहुँदै सम्पन्नतामा छँदा ?
सैतानी क्रम फैलियो डलरमा भाषा तमासा भयो
क्रिस्तानी मतिमा मिलेर कसरी संमृद्ध होस् देश यो ?
ऐलेको प्रहरी कुनै हरिविना बन्ने भयो रक्षक
अत्याचार अधर्मका समयमा बन्दै गयो भक्षक ।
भ्रष्टाचार कुकर्ममा रत हुने आकाश चुम्दै गयो
बढ्दो घूससँगै भनूँ म कसरी संमृद्ध होस् देश यो ?
हत्यारा, सुनकाण्डका पहुँचमा डाँडा र काँडा जुटे
काण्डैकाण्ड प्रकाण्डका परिधिमा नेता अनौठा उठे ।
अग्लो देश मधेसमा फहरिने झण्डा नयाँ देखियो
टुक्रा सात बन्यो भनूँ म कसरी संमृद्ध होस् देश यो ।
बाटो एक अनेकतातिर गई गन्तव्य टेकिन्छ र ?
माटो एक चिराचिरा मुलुकमा जीवन्त भेटिन्छ र ?
अर्काका भरमा चलेर कहिले सम्पन्नता भेटियो ?
बिच्छीका मतिमा बिकेर कसरी संमृद्ध होस् देश यो ?
९८४१४९१०८१
