डा. बमबहादुर जितालीकहरमा कुम्ल्याउने रहर
जनताले एक छाक खान पाऊँ भन्दा मौका छोपी लुँड्याउने चलेको छ धन्दा । दाताहरू खाता खोली तयार छन् दिन ठेकेदार ठगहरू जुटेका छन् किन ?
डा. बमबहादुर जिताली
जहाजमा मेडिकल सामग्री के आयो ?
तीन दिने टेन्डरमा कल्लेकल्ले खायो ?
गिद्धहरू गिदी खान्छन् सिनु भएपछि
कागहरू ज्यूदै खान्छन् दरबारमा पसी ।
स्याल, दुम्सी तम्सिएर तमासा पो ल्याए
गिद्धजस्तै बनीकन कमिसन भ्याए ।
एकलौटी टेन्डरमा आफन्त नै पारे
सङ्कटको मौका छोपी के-के मारे-मारे ।
जता पनि गिद्धेदृष्टि हुन्छ खानामाथि
नेताजीको दृष्टि त्यस्तै बनेको छ साथी ।
जनताले एक छाक खान पाऊँ भन्दा
मौका छोपी लुँड्याउने चलेको छ धन्दा ।
दाताहरू खाता खोली तयार छन् दिन
ठेकेदार ठगहरू जुटेका छन् किन ?
जनवादी, राष्ट्रवादी नेता कता गए ?
हुँदा खाने जनताको ढाड सेक्ने भए ।
गिद्धले झै खाएर डम्म घ्याम्पे भुँडी देखाए अचम्म ॥
०००
काठमाडाैं
Subscribe
Login
0 Comments
Oldest
