डा. बमबहादुर जितालीच्याँखे थाप्न थाले
विदेशीको डलरले नेता भए डन पहिचान गुमाएर थुपार्दै छन् धन । अग्रगामी नेता मिली देश पारे पछि देश पछि पार्नेलाई पार्नुपर्छ खसी ।
डा. बमबाहादुर जिताली :
अत्याचारी भ्रष्टाचारी भएका छन् धनी
धर्मशाला भत्काउने धर्मछाडा पनि।
मूलाहरू मौलाएर माथि-माथि लागे
मूलासँगै मुलुकमा मलसाँप्रा जागे ।
देशभाँडा टाउकेले फाले धर्म-कर्म
गणतन्त्री मन्त्रीलाई छैन कत्ति सर्म।
धेरैलाई धकेलेर थोरै माथि गए
बहुमत बढारेर देशै भाँड्ने भए।
विदेशीको डलरले नेता भए डन
पहिचान गुमाएर थुपार्दै छन् धन ।
अग्रगामी नेता मिली देश पारे पछि
देश पछि पार्नेलाई पार्नुपर्छ खसी ।
दूरदर्शी नेता, सेता कतै देखिएन
गाई मारी गधा पोस्ने थोरै भेटिएन ।
हलो काटी मुङ्ग्रो भयो सङ्घीयता आज
खोक्रिएर ढुङ्ग्रो भयो राष्ट्रियता आज ।
०००
आलु-मूला (२०७५)
जय हाेस्/ सुन्दरम्