नेपाली हास्यव्यङ्ग्य अनलाइन पत्रिका

विवेक दुलाल क्षेत्री :

१.
जनता सिटामोल पाउँदैन यो देशमा विजोग छ
कहिल्यै समृद्धि आउँदैन यो देशमा विजोग छ
नेतृत्वले घोटला गरेर मुलुक टाट पल्टाउँदो रहेछ
युवाहरूको पंक्ति अटाउदैन यो देशमा विजोग छ ।

२.
यहाँ सबै थोक छ केही नै छैन भन्छौ
यहाँ शान्ति चोक छ केही नै छैन भन्छौ
गरिबी बाहेक अरु के छैन र मेरो मित्र !
पवित्रता श्लोक छ केही नै छैन भन्छौ ।

३.
गुनासो र असन्तुष्टि नाफा होइन
आरोप र गलफती भाका होइन
उभिनु छ नयाँ शिराबाट अब हामीले
पलायन र अदुरदर्शी भाषा होइन ।

४.
माटो मेरो कर्म मेची काली मेरो
हर नेपालीको प्रगतिमा ताली मेरो
अटाउ सबैको मनमा बनी साझा खुशी
मधेशको उर्वर जमिन कोदाली मेरो ।

५.
यो समयको निरन्तरता आरधना तिमी
देदीप्यमान मुखमण्डल कामना तिमी
शब्दको बागमा नपसे पनि हुने मैले
सार्थक जिवनको अर्थ र गहना तिमी ।

०००
दमक नपा – ७, झापा