नेपाली हास्यव्यङ्ग्य अनलाइन पत्रिका

रमेशप्रसाद पौड्याल :

१.
ठुला भ्रष्टाचारी मृत्युदण्डमा परे
साना भ्रष्टाचारी झुन्डिएर मरे
सुन्ने बित्तिकै फुर्किएर उफ्रेको त
गाइजात्रे पत्रकारको समाचार पो अरे ।

२.
बैंकहरूमा बिग्रिएको ऋण मिनाहा भएछ
चारैतिर सरकारको जय !! जय !!! छ
डुबेको उद्योगी व्यापार व्यवसायीहरू हाँसे
यो त कविहरूको कविता पो रहेछ ।

३.
भूमिहीनले एक रोपनी जग्गा पायो
अब भने देशमा रामराज्य आयो
सबैको घरमा दिपावली हुँदै थियो
सानोछोराले ओछ्यान मुतेर ब्युँझायो ॥

०००
सिन्धुपाल्चोक