नेपाली हास्यव्यङ्ग्य अनलाइन पत्रिका

अमर सन्तति :

१.
आरोप अपजस ममा जे जति कोचे पनि
तिमीले मलाई नराम्रो जे जति सोचे पनि
तिमी त मुटुकी धड्कन मायाकी खानी हौ,
तीखा वचनरुपी वाणले जे जति घोचे पनि ।

२.
सामानझैँ खरिद बिक्रीमा पद पाइन्छ
आसेपासे र भरौटे हुँदैमा पद पाइन्छ
खै ! कहाँ आएको छ लोकतन्त्र यहाँ ?
चाकरी र नाताको भरमा पद पाइन्छ ।

३.
सोझा, निर्दोष, विरोधीलाई फसाउने कानुन छ
जोस जाँगर इमानलाई थला बसाउने कानुन छ
नबोल्नुस् सत्य , केवल हेर्नुस् गाईजात्रे यो रमिता,
थाहा छ ? मेरो देशमा दुनियाँलाई हँसाउने कानुन छ ।

०००
रामेछाप, हाल भक्तपुर