नेपाली हास्यव्यङ्ग्य अनलाइन पत्रिका

हेटौंडा, फागुन २७, २०७९ । कवि तथा पठन संस्कृतिका विकासमा लागिपरेका छवि अनित्यले किताबघर शुरु गर्न लाग्नु भएको हो ।

भुटनदेवी माविको भैरवरोडस्थित सटरमा साहित्यिक पुस्तकहरू रहने उहाँले बताउनु भयो । उक्त किताबघरमा हाललाई विद्यालय तथा कलेजका पाठ्यक्रमअनुसारका पुस्तक नराखिने तथा विशेषतः बालबालिकामा पठन संस्कृतिको विकासका लागि पुस्तकहरु पाइनेछन् । यसका अलावा युवा तथा अन्य उमेर समूहलक्षित साहित्य, राजनीति, धार्मिक, ऐतिहासिक आदि पुस्तकहरु उपलब्ध हुनेछन् ।

फागुन २९ गतेबाट औपचारिक रुपमा शुरु हुने किताबघरले अध्ययनका लागि ४० जनाको हाराहारिमा रहेर अध्ययन गर्न सकिनेगरि छुट्टै कक्षको व्यवस्था समेत गरेको छ ।

अनित्य आफैं पुस्तक लेखक रही विभिन्न स्कूलहरूमा पुस्तक प्रदर्शनी गराएको अनुभवले पनि किताबघर भिन्न उद्देश्यले सञ्चालन हुने बताउनुहुन्छ ।

०००
हेटौडाबाट संप्रस पौडेल