नेपाली हास्यव्यङ्ग्य अनलाइन पत्रिका

नयनकला र भीमबहादुर भौकाजीका सुपुत्र विमल भौकाजी २०२० माघ १० गते साँघुटार, रामेछापमा जन्मिनुभएको हो । स्नातकसम्मको शैक्षिक योग्यता हासिल गर्नुभएका भौकाजी हाल काठमाडौं बस्नुहुन्छ । साहित्यसेवा तथा पत्रकारिता सेवामा सम्वद्ध भौकाजी २०४० मा ‘रमिते’ शीर्षकको कथा प्रकाशन गरी साहित्यमा प्रवेश गर्नुभएको हो । उहाँका ‘जसको जोत उसको पोत’ (२०६४), ‘श्रीपेज नलगाएका राजा’ (२०६८) व्यङ्ग्य निबन्धसङ्ग्रह लगायत थुप्रै साहित्यिक कृतिहरू प्रकाशित छन् । उहाँले ‘शारदा’, ‘घुयँत्रो’, ‘समता नेपाल’ लगायत तीनदर्जनभन्दा बढी पुस्तक तथा पत्रिकाहरूको सम्पादन गर्नुभएको छ । यसैगरी प्रज्ञा राष्ट्रिय कविता महोत्सवमा प्रथम (२०५२), युवावर्ष मोती पुरस्कार (स्वणर्पदक, २०५९) लगायत थुप्रै साहित्यिक पुरस्कार तथा सम्मान प्राप्त गर्नुभएकाे छ ।