होम सुवेदीबुढेस काल
आनन्दको मुक्त विशेष हाँसो हिजो थियो जो अब छैन चासो न छन् मिठा भोजनका कमाल आयो कताबाट बुढेस काल ।
जहाँ भन्यो हुर्र त्यहाँ पुगिन्थ्यो
जता भयो सोच त्यता घुमिन्थ्यो
जे गर्न हुन्थ्यो मनमा विचार
तत्काल त्यो काम सफा गरिन्थ्यो ।।
पर्देशझैँ आँगन लाग्न थाल्यो
झन् कालले यो वयवृक्ष ढाल्यो
खुसी हराएर विरक्ति पाल
आयो कताबाट बुढेस काल ।।
कस्तो मजाको वय सिद्धिएछ
रहस्य जस्तै किन रित्तिएछ
सौन्दर्यको आज पर्यो अकाल
आयो कताबाट बुढेस काल ।।
आनन्दको मुक्त विशेष हाँसो
हिजो थियो जो अब छैन चासो
न छन् मिठा भोजनका कमाल
आयो कताबाट बुढेस काल ।।
०००
भद्रपुर, झापा
